 |
| ilustrasi |
Mera ghea puu kaju nebu leja de'tu pembu. Latu kursi sice eo poke pau'sawe. Guni - guni sisa, welu kupu bu ghea ina.
Molo se... Sice di rusa sawe, lai kupu lewa guni - guni jadi lani.
Roke ba'a dapi sandar. Bhe'ti noo gitar iwa bu ria. Ata tau roke mboe walo kema ndate.
Ndeo'neku lagu - lagu samulu. Mo re'e, Iso noi, hoba leke, jata neni manu, Ha ha ha e e e.. Raka do "do dae.. wale... Nebu kami loo mbojo.
Ata ame saholo, dua ria sawe. Deo noo de'ke jojo Rai '. Ngii Nggoa sawe di ndeo ngeta ngeni lele bheri... Mo ree. Ndeo dapi lara tawa kiri tei bu ame ghea nggumi le' li.
Ame guru aku tau ale sa loo. Ale sai ame, ngere emba..? SE'NI, Basa Lio ke apa..? Iwa do piki bewa aku penu pena leda toto sou'. SENI NA BASA LIO KE ATA RAWI ame. Ina ola piki aku.
Hele bebo do ola piki ebe eo rewo. Ngoka lowo =seni. Kema one =seni. Nana kata manu =seni. Ngere ame ndeo Mo ree iga nea di seni nea ame.. hahaeeee...
Ame di ata rawi nea... Rawi ae se'ru. Ngii Nggoa tawa nggeke leda.......
* Mathias Saka, pensiunan Guru PNS. Kelahiran Kampung Wulawatu, Desa Fatamari, Kecamatan Lio Timur Kabupaten Ende, Flores, NTT - Indonesia.
* Tulisan ini diambil dari akun Facebook @Mathias Wanes
