Selamat jalan Ka'e Daniel Bheto Dedo

Daniel Bheto Dedo

Keluarga besar suku Lise berdukacita. Mosalaki yang berkedudukan di Kampung Ratenggoji, Desa Taniwoda, Kecamatan Kota Baru, Kabupaten Ende berpulang.

Ka'e (kakak) Daniel Bheto Dedo meninggal dunia dengan tenang di rumahnya pada Minggu dini hari 16 Maret 2025.

Keluarga besar Tani Woda, Dosi Woda dan Senda Woda berduka. Nie, demikian sapaan Kakak Daniel meninggal dunia dalam usia lebih dari 80 tahun.

Daniel berpulang menyusul adik laki-lakinya Gerardus Baba yang berpulang pada tahun 2022.

Selamat jalan Kakak Daniel Bheto Dedo. Bahagia kekal di sisiNya.

Le'nda Le'da

Rongo

Oleh Mathias Saka

Supu me'tu mosa iwa noa, be'ga. Demi mera leka kota. Tau' lema asrama putra noo asrama putri. Padahal latu ana asrama le'ka kopo. Ata biasa pai so 'ana kos".

Ka di mbana tu wee. Ana loo asrama ga dua' ngeta gae ka, tabha ranggo dhato. Ana kos gha ngere bos, ka di kita mbana tu, Rio Rasi walo. Bheri dema.

Tapi kai Laka kita, nebu rume ngai ngere penga. Rongo disama, wawi fi mule - mule kai di meee mule - mule.

Tuka reka baru hee. Piara rongo leka kota, ata so kita eo bingu. Leja - leja mbana gae ka rongo.

Noo Ola Pa, A Na Bopa Talo

ilustrasi

Oleh Mathias Saka

Ele kau we'su ae seru, gare du'a neku. Ata ana, ana wuru, ana ata weta. Nebu minu moke noo imu sama kai. Kita ate dhoa ngai nuwa ngura latu, iwa bu kasar...

Pani ate dhoa deki ruwu nsu'. Ngari sai roa eda. Nia hongo tema wee gharu na...

Noo bebo ngeta... Dango sapapa dapi umi tawa. Padahal ana ina eo mea ria, wiwi di hee. Talu bala walo da gha kita eo eda doa kai :- "Om... e e e... Kami noo ola paa'Om sayang e e e...

Gole Ngalu

ilustrasi

Oleh Mathias Saka

Gole ngalu gha.. ru. da gha.... E gha.. gharu da gha.. Bego sai gha. ru O miu le.. A.. e.. So deki leka A.. e... di ebe - ebe ata Lio eo nebu gawi be'" bu, bagi limba suara.

Latu eo suara satu, latu eo tenor. Iwa ke latu eo sii tau bagi suara. Orooooo.... Otomatis. Luar biasa. Biasa ke manusia eo rewo ele nebu roke bebo di too lama - lama da ghea hanga.

Ola ndeo eo ina.. Dowa samulu nala. Noo hiwa - hiwa ola ndeo ina geju leda ghea hanga. Noo manusia eo gawi di iwa kai buja noo ola ndeo eo ina.

Gole Gora, Wau?

ilustrasi

Oleh Mathias Saka

Leka nua, latu "Au salisa mera sa toko". Babo kami ghea nua ele nebu ka are pusi pake ha, i bewa..

Mae'mai tei ana loo fela nalo. Lai are ghea pane hai bewa, kepo le'ka lima jadi ngere bola gewu noo nake saboge.

Pai... Ina... Ana loo simo ngere lama. Mbana ka noo imu sama ngeta. Dei jie, ana loo eo rewo wole mai kiri... Ngada ka... Babo ke'po walo are noo nake, pati walo. Ata du, a eo rewo so ate ree noo ana loo, babo so... MAE... INA GOLE GORA WAU..???

Baru babo gare ola nau'embu mamo samulu. Wee kita kunu ana lei sawe mae tuka ree. "ngemi ngere huko me'si". Apa ro kita tuka ree..???

Wa'u di Wau?

ilustrasi

Oleh Mathias Saka

Ngembo ke lema lagu "Jita da ghele toa sia". Ndeo'-ndeo'samulu na dema. Kita diiwa buja, peme se'na.

Mesi nebu ina so lagu ina jadi do legendaris. Ele kai lema noo juk, le'ma de'ga noo hea'se:ne le'ka lure.

Apa walo ndeo'ghea kuwu lewa nebu kobe bewa. Ge'nda di li iwa bu ria. Le'ma paka... re'pe... dung... cak.

Ola ndeo samulu "E.. Jita... da ghele to.. a sia... Ola mboke mbira dstnya". Re'pa geli ke pani noo bagia Refrein kai.

Saholo noo ola molo kai, dau bu kobe - kobe kau wau'.. (turun) dona. Saholo di dau bu molo kai, kobe-kobe kau wau (bau) dona. Sai eo tau timba tato?????

Haro

ilustrasi

Oleh Mathias Saka

Nebu mbama ata rewo geju Rai nara aku nia iwa dhonga. Bopa limba. Ata gawi, aku di gawi.

Ata wedho nggo wani aku di wedho. Ata biasa nosi so aku eo hawa Bele. Ata bebo aku nebu Haro. Lema ata mbeo sawe so aku jodoh sama dowa noo nara eo jolo lae walo, lema bu ngaro.

Maso ghea kamar, ae lu tuku talo.

HARO.

1.Ha...ro... Ha... ro... Ate haro.. Noo nara.. Eo mbana ambo... Mbana.. Ambo... Noo kowa rajo.. Wengi roa... Baru.. Tei walo.

Se'ni Basa Lio ke Apa?

ilustrasi

Oleh Mathias Saka

Mera ghea puu kaju nebu leja de'tu pembu. Latu kursi sice eo poke pau'sawe. Guni - guni sisa, welu kupu bu ghea ina.

Molo se... Sice di rusa sawe, lai kupu lewa guni - guni jadi lani.

Roke ba'a dapi sandar. Bhe'ti noo gitar iwa bu ria. Ata tau roke mboe walo kema ndate.
Ndeo'neku lagu - lagu samulu. Mo re'e, Iso noi, hoba leke, jata neni manu, Ha ha ha e e e.. Raka do "do dae.. wale... Nebu kami loo mbojo.

Sai Eo Tau Sosialisasi

ilustrasi

Oleh Mathias Saka

Ate dhoa dema noo kunu ina. Sena lema tau pera ngai sia. Ele kita nosi dowa, noo nau nena dowa so :- Demi nuwa ngura latu, soo jie dau peme. Hinga kapa. Iwa ndu.

Kami leja biri mena dowa. Miu ina eo kami mete. Ngai sia miu... Dema. Nara tei sai. Ebe eo dua'-dua'mata sawe. Peme sai walo.

Bani mae'lema lele ngai. Ina, kata - kata, ola nau'ame aku "Kapitan Yosef Ngati Mbete".

Pemerintah na bheri. Ebe noo doi. Sii bawahan mbana Sosialisasi, pati doi jalan. Ana rakyat deki mbeo lama. Pai mera umu ghea kantor desa, masyarakat deki peme.

Agama disama. Tau nau nena, latu mimbar ghea gereja, ghea altar, ghea gedung paroki. Latu ketua KUB. Deki ae seru ngala repa sambu. Umat di maso ote.

Adat.... Aduhhhhh... Kasihan dema - dema. Sai eo tau sosialisasi..? Ngere kami eo aji ana. Ele kami gare molo nosi do so :- Mbama puu', Pesa Uta mulu, eo rewo kritik walo kita.

Gambus Tali 6

ilustrasi

Oleh Mathias Saka

Kutik gambus gheta wawo kowa nebu uja angi. Ebe ghea kowa so musim angin Tenggara. Ata ame saholo nai ghale Ndete, Gambus wangga sama. Ata apa ga kai ghea..?

Sabagi so ata Feondari, eo pasti ke ebe ata Me'go. Me'ra ghale Magepanda da gheta ghele, nua loo.

Petik gambus noo bebo ngeta, malas tau. Hibu - hibu kita di peme sena. Ola molo kai, kai nebu ruwu jaja le'ka Ulu e'la, Ulu ola noo ndeo. Tau'so kai Pilando di ndeo'ngeta nia sapapa. Mera wee noo juru mudi, mesi le'ka oto so sopir. Sopir kowa lau mau'.

Sedih naaaaa... Kai nde'o dapi lara ke, wula hubhu - hebhe. Dango le'da....

Gawi Raka Buja

Tarian gawi (ist)

Oleh Mathias Saka

Bulan juli 2019 lema sadeka. Ina ko... Deki do gha nua. Ka, pesa, joget leka pesta raka buja. Soo nge wula mbama ngere nebu ina. Pena... Gawi raka buja.

Mbama puu Wolonio gose dowa. Lema do nua eo rewo baru ndu dheko. Sama ngere pesa uta, kita Lise Tana Telu dau ".. Rangga Talo" pesa uta mulu. Puu apa...??? Mae sai ale...

Ndu dheko raka mbeo ngere bu Mahasiswa Unflor. Iwa buja mbana ale leka ata dua'one nua. Mae lema ale, baru kau mera sa lae. Nebu nggua tana watu, gawi - gawi ke.

Lema Re'gho Wee Le'ka Mbe'gho

ilustrasi

Oleh Mathias Saka

Ata dua, samulu demi repa pati ka, one lawa one, nua lawa nua, gae naja ka pesa apa soo nge ola pesa wee mae sala-lala bai raka gae dagu naja.

Demi kobe pau'watu =nelu wee dowa, ebe biasa RE'GHO LE'KA MBE'GHO. Re'gho bu wawi ndu, a... Rusa ndu, a... Be'ku... Hutu. Tau pesa ne'bu nelu pati ka.


Nebu ina di latu ne, ata eo lema Re'gho wee. Ata so gare kai lema do Re'gho napa.

Wuru Mana Samulu Bheri Dema

ilustrasi

Oleh Mathias Saka

Demi aku tuli wuru mana samulu, miu - miu kunu aku eo nebu ghea miu loo latu, mawe roa sou'. Nosi so miu eo ngai sia. Aku rasa miu ina iwa kai ngai sia.

Ngai mila sambro'. Ata du'a gare lae'sawe miu gharu toto sou'-toto sou'. Ngai sia na... Ngai Santo. Ngai eo bhisa gia.

Ngai eo demi ata dua'gare eo molo, miu mae'redha walo da lau longgo. Gare sala...

Baru miu hata. Ina baru ngai sia. Ngai eo ola piki tau bheri, mae'beka lema tau kritik.

Sambo Baru

ilustrasi

Oleh Mathias Saka

23 Juni 2019 leja ina Sambo Baru sa Keuskupan Agung Ende. Kema fao too sai tanggal, 20 ina leka nua - nua. Musik ledhu noo nua - nua, hinga - hinga ro, tuli to.

Gae naja iwa do lema sanua, ata rewo ngala ana aku di ngala. Dedu naja du do mata.

Demi ele rame dhae diiwa, musik di iwa, naja iwa. Ata ana eo Sambo Baru mea mata. Ina eo biasa do noo hiwa - hiwa. Iwa so lema hiwa ina.

Ele ke kobe mera mai leja wengi rua iwa bu mbana gereja, demi ana Sambo Baru ine Ema dau dheko pembinaan ghea gereja noo tua.

Hage Sae Fao... Saeko Walo

ilustrasi

Oleh Mathias Saka

Pesta sawe dowa, piri mako soo nge ebe note noo moke, noo joget, soo tala nggolo.

Latu eo roke leka maga - maga, leka kuwu, gheta wawo meja, sabagi roke leda ngeta meja, leka rate ata mata, latu eo dhasa kursi esa rua, esa telu, bebo leda pani noo moke keda.

Musik ghea Sara opreter stel non stop deki lago limba, ele fao penga. Ata ngara pesta umi tawa, ele fao penga. R

omo... Pater... Mawe roa joe'kami tau da gharu gereja. Lema bu tu ana sambo baru da ghea gereja tau bu misa pagi sadeka, nebu ae di wasi meta. Ebe ata dua walo ngeta. Romo so kiri tei lema do umi tawa.

Ele kai dowa jam. 9 pagi, ebe eo too walo nebu roke bu moke iga nea, lae bu sadar dema..

Embu Mamo Miu Mata Lema Tebo

Oleh Mathias Saka

Gheta Wawo jie, Miu mera wee, me'ra sama noo mboko mata ria. Ria langga dowa leja sula singga.

Mboko mata ria eo kema dowa mata leja, wula noo Dala. Mboko mata ria soo'raka, lawa talo, demi pera nggadho. Mboko mata ria soo Nggadho 'walo.

Demi kau nosi soo raka ree', Mboko mata ria beke ngere paka bela bere. Dema... Mboko mata ria so. dapi nggengge, Nggengge dowa kunu serani lei sawe. Nggengge noo payung eo ria kia, naja kai lewu liru eo nggengge dunia (atmosfir).

Fela Nalo Walo Do, Kura Mbo Noo Hojo

Oleh Mathias Saka

ilustrasi

Manusia mengerti bhondo do, sadar do. Iwa do pake acci stroom leka lowo - lowo, soo nge lowo loo.

Walo nua kira tei do fela nalo walo leka lowa, leka tiwu eo saloo kita biasa bhoe kura mbo hojo leka lemi watu ghale one tiwu ria noo tiwu loo.

Bhoe lema noo toko nao eo rike noo aje loo ghale one funu. Ura funu. Lema baje noo uwi kaju tuu rike noo aje.

Sabagi noo nio sapia'loo. Rike noo aje, lo da ghale tiwu. Mera dai iwa hibu kura fangga nggangga ra, i.

Hojo wai mera di nggangga ra, i. Deki bhoe teki da ghea maja. Latu nebu ina ngala bhoe nake ria. Iwa do pake stroom.

Lau Mesi Meta Latu Wolo Ena Bara

ilustrasi

Oleh Mathias Saka

Guru agama hiwa mbulu sutu. Tuli ngoka lowo loo wee ata mae stroom ina di sindir..? Mae mete aku tau hee. Lema miu tau ngama demi aku hee..? Demi aku ngemi..? Miu moki mina demi aku hee, demi aku ngemi.

Tuli neku eo dema ria, sama ngere ngaji ngara, sama ngere More Nggae eo Weti nena dowa sa kena esa. Nai kowa gili wiwi ma, u. Dema... gere deki Maumere kobe sia leja mese. Nebu ina iwa deki 30 menit demi noo sepeda motor.

Jala gaga, butas, lago leda. Lema rasa iwa kai sama demi tau tolo ae mesi be'wa, terumbu karang eo kita tei dega leda, ika nggili tiko leka watu paba eo muri, iwa so eo mata.

Peku Ndengu, Ngao Ngetu

Oleh Mathias Saka

Manusia ghea nua mbeo sawe. Mae sai ghelo ngere nake ae.  Ipa rua repa ngao ngetu iwa leta ke buja.

Ipa A noo Ipa B. Ipa B ghea biasa nosi bu kai eo dosa iwa. Tolo sengga demi ata ale baje. Dau so dema ria, dapi noo nggoti nggomi. Hmmm.

Ipa A pani noo hinga rango do mbana ale leda.

**Ipa A :- Toto hila tei lako ndeto nebu Boro nggu ghea lemi maga. Ina Ipa... Kau bu ngete o.. Lako ndeto eo pani gebo Lengge bu gharu.

**Ipa B :- Sooo... Ipa doa... Mae kai handa nau Mbola ne ghelo....

Ipa A :- Eo apa ngelo..?

Ma'e Bu Gereta

Oleh Mathias Saka

Aku lara tawa ke demi basa leka Flores Pos. Ebe anggota Dewan demi gare eo rewo - rewo, ai na du be miu. Mae leka nia masyarakat gare ".. Penetapan Harga Komoditi..".

Lucu dema bega. Gubernur NTT saja waktu kunjungan ke kecamatan Maukaro, masyarakat Wewaria dari leka jala. Pengwal poa wau. Gubernur ate masa sii pengawal mae cegat. Igandero rombongan walo Maukaro baru miu napa leka ina. Setuju...??? Setujuuuuuuuuuuu.

Walo Maukaro... Gubernur ale leka ebe. Miu ngere emba..? Puu apa miu tahan rombongan iga nea..? Pati nai harga komoditi Ema gubernur. Gubernur talu bala so..

"Ngala.... Aku ngala pati wau SK Penetapan Harga Komoditi. Tapi lema kai SK. Urusan teka geti, ina urusan petani penghasil komoditi noo pembeli.. (.. Pedagang..)