*Dosi :- Ngembo Leo Ho huda ke dema miu da gharu. Ata nebu kira mata heu. Mota uju pija, heu mboko pija, sala - lala sawe. Aku buja. Hmm.
*Lima :- Kira hee - hee ame. Bega ame.. Nua ola dau bu noo ngembo Leo ke ngeni. Napa api rendu baru gui kera, kaaaami latu - kami latu... Banga wonge..
*Peto :- Dema... Mae bu ngembo. Miu na bega.. Ata ame tau ngaji ngora ngeta. Nebu ina hoi ko. Mesi semulu tuka pereta manusia gharu. Nebu kai RK =Tuka ruru ka. Pai bewa mesa. Soooo.. Damena daghale, da ghele da ghwa.. Peme... Wii sia buga mae mbana rewo... Tua mai..
*Sita :- Ina samulu le... Gharu dua ria sawe, turu juju, bhongo tengah dowa..
*Senda :- Mae Sita... Samulu ebe ghale Ende me mai no Ulu (tagih pajak) ame gharu hai lage. Mbana gae wee manusia leka uma - uma. Ata so iwa mai, Miu fonga aku kela (lapor) leka polisi Rebo. Manusia deki tau..
*Beka :- Mae bu kulit telor (colection) dua ngeta potong mema. Hai mo ngeta.
*Lima :- Hoo... Sara polisi Rebo fai leka ana weta kai, jadi noo deka - deka kai polisi Rebo da gha nua leu gharu kai mesa. Ata mae tau ga ngere emba.
*Sita :- Wee ame... Wii sia noo heu kau gharu raka lau sambu e e e. Buga mila latu mbana pui do Mota, sambu gere ke wii sia.
*Dosi :- Pui welu mema, iga ndero gere kai ngaa ngeto, rana rubhe.
*Peto :- Sita... Kalau tolo ame ko gharu... Wii sia buga deki lau basa oto kai gharu dau leu roa. Rina ae... Latu mesa alasan kai gharu.
*Dosi :-.E..bega, tawa nggumi leli.
*Sita :- Mawe roa leu ame, walo lau sambu baru leu.
*Senda :- Miu tolo wii sia buga. Kai gale welu do Mota eo bago bewa, heu eo mbeke ria welu sapapa. Kita eo rewo tau teka. Gharu..??? Tau ngama gemi ngeta lau basa oto wii sia. Gere deki lau sambu sabawe.
Nedi :- Ree ebe lau di tukang rayu ame.. Na.
*Beka lowa :- LELE DUA KAI.... sepu - sepu doi so sawe mera 'MBOKE HEE - HEE... MESA LEDHE ".
Sita :- WAI DUA NGETA... AME TAU MAEN MATA SALOO....
Wiwi Ria Ngala Ata di Tau Ga
Iwa so ria menga wiwi, dea Lea lema ae seru, kai pera soto leka ola Meko. Buga mila latu, manu kalo ndawi noo topo ngeta ura rua telu mema, dali Lee sakobe nea iwa so leka sipi toko, tapi leka sipi dali eo Ngaga nebu lae roke.
Poka kesi ria noo topo eo ria, sori nggaa kesi loo noo topo loo. Kesi so mbua dua ngeta koe gomo dibewa. Sopase kesi di ngere mboke. Je do tana pati maso walo leka gomo.
Iga ndero baru dua ngeta noo sepeda mbana nosi aji ana tau kema hasa noo dua - dua. Koe soo bewa contoh dua ngeta pera mulu saiga nea. Deka dowa nua ola, kita dau poka nge wela deso. Mesi leka melaju so :- keteladanan.
Menga sabagi... Lema gare raka lura - lura da, iwa pati contoh, besu menga gare wesu. Moa laki ghea pera mulu, aji ana lema ndu.
Bhoti wake aji ana ngeta lei sawe raka mbale. Mera sa one wee. Luar biasa moa laki ghea. Ka wau muri. Tolo noto aji ana tuka kunu ngeta raka ka sawe, baru kai ka tau sepu kai.
Melindungi, mengayomi, du raka Nggae timba iwa tolo nia, puu ngai noo holo kai eo moa laki pou mai dapi sii so :- Kau tau ngaji ngora. Mbeo bu ngeta 'ora et labora'... Ngaji noo kema.
Sema ngere "beku wia dowa noo hoba - hoba," tei aji ana ghea ngala dowa, gaga boo kewi ae do, Jawa dupa ria are wole bewa do, Molo mema.... Mera sai noo dua-dua, kema sai mbei lepa... Raka jadi bu nua ria ghea.
Naja ngeta di ata kaba debu soo lau gheta, mesi leka ndeo so :- Too Mbuli raka Ekoleta. Peme naja ata di tau ga.
Sabagi so ghea eo feodal..? Moa laki ghea di eo ote bina, ngai sia ria. Jawab santai saja. MEMANG KE... KAMI EO MULA BU FEO, MULA MULU FEO ... Perintis... Penggagas... Pelaku sejarah... Tei bu nua ria ghea.. Nebu kupula (.. Rapat keluarga...)
Mae nara bebo noo huruf K saesa T esa telu. Kema, Tuti, Tau, Tei. Soo nge ngaji ngora mae bopa,
TEKUN SEMBAHYANG DAN BEKERJA KERAS, HINGGA MEMBUAHKAN HASIL YANG MELIMPAH....
* Mathias Saka, pensiunan Guru PNS. Kelahiran Kampung Wulawatu, Kecamatan Lio Timur Kabupaten Ende, Flores, NTT - Indonesia.
