Gheta Wawo jie, Miu mera wee, me'ra sama noo mboko mata ria. Ria langga dowa leja sula singga.
Mboko mata ria eo kema dowa mata leja, wula noo Dala. Mboko mata ria soo'raka, lawa talo, demi pera nggadho. Mboko mata ria soo Nggadho 'walo.
Demi kau nosi soo raka ree', Mboko mata ria beke ngere paka bela bere. Dema... Mboko mata ria so. dapi nggengge, Nggengge dowa kunu serani lei sawe. Nggengge noo payung eo ria kia, naja kai lewu liru eo nggengge dunia (atmosfir).
Kami pai niu gui do, puu ngai miu eo reki ra dowa tei bu kami. Ele miu dowa gharu Surga, naja miu ine Ema gare paa, babo mamo gare walo, rao bu rao, sawe sapao'rao'sapao ', Sawe sate' da welu sate'da.
Kami pai ka iwa so lema nelu nggua ura, nggua tana watu. Kami dagu naja iwa nara bebo, iwa nara ngadho.
Kami mbeo.... Miu muri mera nggili tiko bu noo kami, ele kami mboko mata iwa tei. Di.. Kami Tonda.
Miu mata lema te'bo. Ana mae miu mbana sama noo kami kobe leja demi kami iwa kema sala.
Wenggo wele sai kami. Wee ola Meko noo ola gare kami iwa lema lele ngai. Amin.
* Mathias Saka, pensiunan Guru PNS. Kelahiran Kampung Wulawatu, Desa Fatamari, Kecamatan Lio Timur Kabupaten Ende, Flores, NTT - Indonesia.
* Tulisan ini diambil dari akun Facebooknya @Mathias Wanes
