 |
| ilustrasi |
Guru agama hiwa mbulu sutu. Tuli ngoka lowo loo wee ata mae stroom ina di sindir..? Mae mete aku tau hee. Lema miu tau ngama demi aku hee..? Demi aku ngemi..? Miu moki mina demi aku hee, demi aku ngemi.
Tuli neku eo dema ria, sama ngere ngaji ngara, sama ngere More Nggae eo Weti nena dowa sa kena esa. Nai kowa gili wiwi ma, u. Dema... gere deki Maumere kobe sia leja mese. Nebu ina iwa deki 30 menit demi noo sepeda motor.
Jala gaga, butas, lago leda. Lema rasa iwa kai sama demi tau tolo ae mesi be'wa, terumbu karang eo kita tei dega leda, ika nggili tiko leka watu paba eo muri, iwa so eo mata.
Lau mau watu di muri ko. Ata dua'eo soo dua'jaja noo kita gheta wawo kowa. Kubi eo relo galo leka watu paba di kita tei bu ina.
Ebe ghea kowa lema lo do sawa rapa deki se'ka, teki nggawa da gheta wawo kowa, tunu pesa noo muku tunu, muku jaka. Gheta wawo kowa di latu podo hawa, waja.
Ae so sawe, kowa duu leu ghea Ae Ndokerua, ae eo tua misionaris Fransiskus Xaverius seka noo tingkat leka watu paba. Ina ebe tua pati tanda heran.
Nebu ina jadi do tempat pariwisata religius. So sawe kowa mbana rao, iwa pake mesin, mete lema noo laja.
Wake laja angi dhanda baru kowa mbana. Ata dua eo tuka lucu jaja nunange eo lucu mesa. Soo nge eja Toma Moki nebu nuwa muri lucu ngeri. Ata dua eo ngii iwa dowa di raka tawa nggumi leli.
Nge ghele - ghele kita tei ena bara lau mesi meta. Leu kami roa. Pati wau'laja lema do we'sa noo gai we'sa. Pati wau'jangkar.
Wau 'do ghea wolo ena bara. Latu bekas hai manusia leka ena bara, ngere bu tuka hai manusia mbana leka wiwi ena. DUANGGAE NA.... DEMA. KEMA NGETA WOLO ENA LAU BEMA BEWA.
* Mathias Saka, pensiunan Guru PNS. Kelahiran Kampung Wulawatu, Kecamatan Lio Timur Kabupaten Ende, Flores, NTT - Indonesia.
* Tulisan ini diambil dari akun Facebooknya @Mathias Wanes
