 |
| ilustrasi |
23 Juni 2019 leja ina Sambo Baru sa Keuskupan Agung Ende. Kema fao too sai tanggal, 20 ina leka nua - nua. Musik ledhu noo nua - nua, hinga - hinga ro, tuli to.
Gae naja iwa do lema sanua, ata rewo ngala ana aku di ngala. Dedu naja du do mata.
Demi ele rame dhae diiwa, musik di iwa, naja iwa. Ata ana eo Sambo Baru mea mata. Ina eo biasa do noo hiwa - hiwa. Iwa so lema hiwa ina.
Ele ke kobe mera mai leja wengi rua iwa bu mbana gereja, demi ana Sambo Baru ine Ema dau dheko pembinaan ghea gereja noo tua.
Demi iwa ana kita tua iwa pati Sambo Baru. Ata dua ndu we dowa. Gha one sabagi bhondo kai ate begi lele li musik.
Ata haki ele nebu kema fao, hoja menggo rao bu rao. Ata fai ghea waja di tidak mau kalah, menggo ngeta iwa napa.
Musik ledhu ngere gedu - ngere gedu. Repa lawa sai eo li soo ria, salon dhasa limba. Kaco dema opreter gae naja salon raka koe welu ghale tana. Ledhu dema.
Gereja ngai sia raka pati sambo baru sadeka leda. Wuru mana nea tapi iwa bu raka - raka. Sambo baru mesa di. Ata Serani sawe sa pao rao sapao.
Simo Serani sawe ana baru ngala Sambo Baru. Gere Sambo Baru kai di ana kita simo do Sakramen hele rua.
Sakramen Rio Serani noo Sakramen Mengaku Dosa =Sakramen Nosi Dosa. Ine Ema di mengaku dosa leka tua. Ata mamo di mengaku dosa. Tua raka nau nena ata mamo.
Nene... Nenek kan sudah tua. Mengaku dosa yang lain. Masa nenek mengaku dosa bilang.. "Iwa ndu pereta ata dua'. Siapa yang pereta nene..?
* Mathias Saka, pensiunan Guru PNS. Kelahiran Kampung Wulawatu, Desa Fatamari, Kecamatan Lio Timur Kabupaten Ende, Flores, NTT - Indonesia.
* Tulisan ini diambil dari akun Facebook @Mathias Wanes
